البص(حيدر)راوي مشرف
عدد الرسائل : 74 العمر : 30 الاقامة : البصره العمل : طالب تاريخ التسجيل : 20/08/2007
| موضوع: قصيدة لام عراقية فقدت ابنها الإثنين أغسطس 27, 2007 6:54 am | |
| آنه الوالدة وجور الوكت ذبني آنه الوالدة وجور الوكت ذبني وأحس الروح راحت من رحت يبني *** أنصبت وسط القلب مهدك يضي العين وأضلوعي تحرسك من مرام البين وإعلى هز المهد يبني أسهرت سنتين وأشباح السهر جانن يبارني *** تكبر والأمل يبني كبر وياك لدارك من تطبها بلهفة أتلقاك تصد عيني إعلى طولك والكبد يرعاك ماأدري تروح وتنفقد مني *** وين سنين عمري الجانت تباريك وين السهر يبني اللي سهرته إعليك بسرعة تروح مني ماجنت أدريك فقدك وأنقطع منك بعد ظني *** تنوح الوالدة الغاب الولد عنها اشلون اللي أبنها ينفقد منها مايبطل بجاها ولايخف ونها وأنا خلافك يفت صم الصخر وني *** عشت ويا النباب وبقلي ربيتك مني تنفقد وتروح مدريتك آنه لو أدري بسواد عيوني ضميتك لامن بعدك أحمل هالغصص ذني *** يامن جنت شمعة زاهية بداري وياوجه البراءة العاش بأفكاري أحن إعليك يبني ليلي ونهاري وحتى الفاجدات أجزعن من حني *** من بعدك أقضي بالحزن يومي يجيني الليل وأتوسد على همومي كل لحظة أفز مرعوبة من نومي جنك مامتت آنه المتت جني *** رحت وبقلبي كم لوعة حزن خليت ومثل ون الحمامة الفرقتك ونيت جنت أتمنى تحظر دفنتي ياريت وبيدك ياشريك الروح تدفني
| |
|
محمد احمد شاعــر المنتدى
عدد الرسائل : 90 العمر : 36 الاقامة : في قلوب العراقيين الهواية : نظم الشعر بكل انواعه العمل : طالب في كلية الطب تاريخ التسجيل : 19/08/2007
| موضوع: رد: قصيدة لام عراقية فقدت ابنها الثلاثاء أغسطس 28, 2007 1:31 am | |
| | |
|
وردة البصرة عضو جديد
عدد الرسائل : 42 العمر : 30 الاقامة : العراق الهواية : الرسم العمل : طالبة تاريخ التسجيل : 23/08/2007
| موضوع: رد: قصيدة لام عراقية فقدت ابنها الثلاثاء أغسطس 28, 2007 2:59 am | |
| تسلم ايدك اخوية القصيدة محملة بالشاعر الحلوة نجاه الام لان الام هي من رعانة واحنة صغار وسهرة الليالي علينة اذا جنة مريضين وبالاخير القصيدة رووووعة مشكور مع تحياتي وردة البصرة تقبل مروري | |
|
مروان المهندس مشرف
عدد الرسائل : 26 العمر : 36 الاقامة : البصرة- الزبير العمل : طالب تاريخ التسجيل : 22/08/2007
| موضوع: رد: قصيدة لام عراقية فقدت ابنها الأربعاء أغسطس 29, 2007 1:00 pm | |
| شكراااااااااااااااااااااااا على القصيدة الجميلة مشكور اخوي | |
|
مروان المهندس مشرف
عدد الرسائل : 26 العمر : 36 الاقامة : البصرة- الزبير العمل : طالب تاريخ التسجيل : 22/08/2007
| موضوع: رد: قصيدة لام عراقية فقدت ابنها الأربعاء أغسطس 29, 2007 1:01 pm | |
| شكراااااااااااااااااااااااا على القصيدة الجميلة مشكور اخوي | |
|