تحشيشات حلوة

موضوع: تحشيشات حلوة الخميس أغسطس 30, 2007 8:14 am

-إذا واحد گلك حبيبي گله حبيبي لو جوزي (حبيبي = حليبي)

-إذا واحد گلك كيت گله أكيت من الحايط (أكيت = أچيت)

-إذا واحد گلك شعر گله شعر لو ملح (شعر = شكر)

-المدرس جاي يشرح النعت گال يلي الإسم المنعوت گتله منعوت الوالدين (منعوت = منعول)

-أجرت تكسي گلي اصعد گتله أصعد الغريري(أصعد = أسعد) وأسعد الغريري شاعر معروف

-آنه وصديقي جاي نسمع الأغنية الأخيرة مال راشد الماجد نسيناكم فيگول عانيت ياما لاجل أرضي مشاعرهم گتله لصديقي أرضي لو موبايل

-إذا واحد گلكم هاي التحشيشة قديمة گولوله قديمة مال هاون (قديمة = قذيفة)

-إذا واحد گلك شبيك گله شبيك انگلش (شبيك = سبيك)

-إذا واحد گلك شوف ذوله الجماعة أتراك گله تراك لو mp3

-إذا واحد گلك دمشي گله دمشي لو بهبهان (دمشي = جمسي)

-إذا واحد گلك قديمة گله قديمة لو بازة (قديمة = قديفة)

-إذا واحد گلك والعباس گله ألعب باص لو مناولة (باص = مناولة) في كرة القدم

-إذا واحد گلك خلي نروح بتكسي گله تكسي عله تمن (تكسي = تبسي)

-إنته جاوبه متروح گله متروح بموس (متروح = مجروح) بموس مال حلاقة)

-إذا واحد گلك لويش گله لويش فيگو (لويش = لويس)

-إذا واحد گلك عندي شلون سيارة مازدة گله مازدة الرومي (مازدة = ماجدة)

-إذا واحد گلك أريده گله أريدة لو مجلة (أريدة = جريدة)

-إذا واحد گلك ابني توب من سوالفك گله توب مال تاير (توب = تيوب)

-إذا واحد گلك باچر عطلة گله عطله ريحة (عطلة = حطله)

-إذا واحد گلك عندك فلوس گله فلوس أبو الرگبة (فلوس = بلوز)

-إذا واحد گلك جيب القلم گله جيب لو همر (جيب وهمر = سيارة)

-إذا واحد گلك لا تصير أناني گله أناني مال غاز (أناني = قناني)

-إذا واحد گلك شوف هاذه شلون رتل أمريكي گله رتل خالتي أحسن (رتل = رجل)

-إذا واحد گلك اليوم شلون إهانة گله إهانة لو قرنابيط (إهانة = لهانة)

-إذا واحد گلك لا تصير بخيل گله بخيل لو عديلة (بخيل = بخيت) فلم عادل إمام

-إذا واحد گلكم كلكم تروحون گله كلكم لو بهارات (كلكم = كركم)

مشكور مصطفى عله التحشيشات الحلوه

شكرا على المرور الكريم