نكت: سياسة-موصل-ناصرية-أكراد-دليم-حشاشة...........الخ

-أثناء حرب إيران أجوا ضباط لصدام وگلوله: سيدي تره الناس جاي تگول ليش عدي ابنكم ما يشارك بالحرب حاله حال الناس؟ گلهم: صيحوا لعدي، وره ما جابوه گله صدام: ابني گول أربعة، گال أغبعة گلهم: حمير حاسديني عله هاذه المعوق.

-الصحاف يگول بمؤتمر صحفي: (إن إنزال تمثال صدام حسين كان بهدف الصيانة وليس كما يدعي العلوج).

-الصحاف وره ما مات نزل وياه للگبر ٦٢ ملك، ٢ يحاسبونه و ٦٠ يقنعونه انه مات.

-من مات الصحاف طلع تصريح من گبره بأنه مازال حيا.

-يگلك صدام من لبد بالحفرة حط فوگها عش حمام وحمامة وعنكبوت وبيض ومن هاي الشغلات.. من أجو الأمريكان گللوله: اطلع لك.. قابل احنه زواج مثل قريش.

-بوش سأل كلينتون: شسوي ويه الشيعة؟ گله: مثل ما سويت آني ويه مونيكا.. إلزم الصدر.

-بوش سأل مدير المخابرات: شلون العراقيين يعرفون أسرارنه گبلنه؟ گله: العراقيين عدهم حاسة الـ(شكو ماكو)، يوم ثاني بوش تنكر وراح لبغداد وسأل واحد بالشارع: شكو ماكو؟ گله: والله ما أدري، يگولون بوش ببغداد.

-مصلاوي إجاله خطار گله: متغدي؟ گله: لا، گله: حرامات لو متغدي چان سوينالك چاي.

-مصلاوي أبوه مات بچه عليه بعين وحدة.

-مصلاوي حصل تلث بيوت بالجنة، باع واحد وأجر ثنين وگعد عد گرايبه بالنار.

-مصلاوي راح يزور أمه بالمستشفى شاف مكتوب على الباب ادفع گال أزورها من ترجع للبيت.

-مصلاوي مات.. لگوا بوصيته مكتوب(آني غاسل.. لا تغسّلوني).

-مصلاوي مات ابوه.. گلله المغسلچي انطيني ١٠٠٠ دينار مال الغسل گال: إشدعوه؟ قابل مغسل بي أم؟.

-مصلاوي مات وخلف ٢٤ ولد و ٢٥٠٠ دينار.. لكوه كاتب بالوصية: إشتروا بيهن صندوك بيبسي وتقاسموه بيناتكم.

-مصلاوي گال لولده: اللي مايتعشه اليوم أنطيه ألف.. گاموا كلهم ماتعشوا وأخذوا ألف ألف... بالليل گام باك فلوسهم، الصبح گاللهم: اللي مضيع الألف مالته مايتريگ اليوم.

-مصلاوي طاح من السطح.. هوه وواگع مر على شباك المطبخ.. گل لمرته: لا تحسبين حسابي عالعشة.

-مصلاوي سأل مرته إشطابختلنه اليوم؟ گالت باگلله ودهن، گللهه حيل! طبختين بوجبة وحدة؟

-مصلاوي گالوله: إذا بردت شتسوي؟ گال: أدني الصوبة يمي.. گالوا: وإذا بردت حيل؟ گال: أدنيهه يمي حيل.. گالوا: وإذا بردت حيل حيل حيل؟ گال أضطر أشعلهه.

-مصلاوي زوّج ابنه.. گلله: بابا.. تره هذي إنته وأخوتك بيهه.

-مصلاوي ينازع يريد يموت.. شاف أولاده كلهم يم راسه.. گعد گال: مناعيل الوالدين كلكم هنا.. لعد منو بقه بالدكان؟

-مصلاوي دز ابنه على ٣ گرص خبز من رجع الابن گالله أبوه: بابا رجّع وحدة، امك ماتت.

-مصلاوي گال لجهاله اللي ينجح هالسنة أراويه سيارة الموطا.

-مصلاوي واگف بالبلكونة.. إبنه إجه من بعيد يصيح: بابا بابا بابا بابا.. گلله: ولك ابن الكلب.. بابا وحدة كافي.

-مصلاوي اشتره ٣ بطيخات فتح الأوله لگاها معفنة، فتح الثانية هم شافهه معفنة، طفى الضوه وأكل الثالثة.

-مصلاوي يمشي ويه ابنه وره جنازة سمعوا مرة الميت تگول: راح يودوك لبيت ما بيه لا أكل ولا شرب ولا فراش، فگال الولد: بابا راح يودوه لبيتنه.

-تاجر مصلاوي شاف روحه يوزع فلوس بالحلم، صحه من النوم گال: التوبه إذا أنام بعد.

-٣ مصالوة نايمين بالغرفة ومشغلين البنكه عله رقم خمسة.. دخل أبوهم بالعصا يصيح: يا چلاب.. تلاثة ومشغلين البنكة عالخمسة؟

-مصلاوي گال: إذا إجاني ولد أصوم خمس أيام.. صار عنده ولد.. صامهن.. وره فترة مات الولد.. گال: إلا أخصمهن من رمضان.

-مصلاوي راح للناصرية.. گاموا وين مايشوفوه يشگگون فلوس گدامه.

-ناصرية سأل مصلاوي: شنو تتمنه؟ گله: يموت أبويه وأورثه، وانته؟ گال: يندعم أبويه ويموت، حته هم ورث وهم فصل.

-ناصرية اتصل بقناة الأغاني وطلب اغنية بابا فين وأهداها إلى الأطفال الأيتام.

-ناصرية يوصي ولده: ما أوصيكم بعد بالخباثة، الخباثة الخباثة ثم الخباثة، گلوله: ولا يهمك بويه، من مات ذبوا جثته بالزبالة.

-ناصرية أعمى تبرعتله مرته بعينهه، وره العملية شافهه چان يگلهه: وفوگاتهه عورة، گام طلگها.

-ناصرية صور الدفن مال أبوه فيديو گام كل شويه يراويه لأمه، هيه همين كل ما تشوفه تتحمر وتظل ترگص.

-أمريكي انخطف بالناصرية، وره فترة هدوه، سألوه الصحفيين: ممكن تگلنه شنو شفت بالأسر؟ گال ما أگولن بكيفي.

-ناصرية گل لواحد حرامي علمني البوك واعلمك الخباثة، الحرامي باك جزدان گدامه گله شفت شلون أبوك يلله علمني الخباثة، الناصرية گام يصيح حرامي... حرامي.

-جريدة بالناصرية نشرت صورة واحد يعبّر أعمى الشارع، كتبوا جواهه (متى تنتهي هذه الظاهرة؟).

-شيخ جامع من الناصرية قرر يسوي محاضره للعميان عنوانهه: نعمة البصر.

-تلاثة من الناصرية رادوا يبوگون بنگ، فقسموهه بيناتهم: واحد يبوك وواحد يراقب وواحد يروح يبلغ الشرطة.

-ناصريه شاف واحد يصيح: راح أغرك الحگني يمعود... گاله: أخي هذا يومك وهذي إرادة رب العالمين... تعذرني.

-واحد ناصرية جاي يموت.. بآخر نفس ويوصي ولده بالخباثة... أخير شي راد يتشاهد، گام الزغير سد حلگه.

-واحد من الناصرية إسمه رزق الله.. صار عنده ولد سماه گاطع.

-واحد ناصرية سمع أكو مجاعة بأفريقية، گام دك رقم لا على التعيين بالصومال، وتتريع وسد السماعة.

-واحد أمّه من الناصرية اخذ دبة الغاز يترسها گللها: إدعيلي يمّه، گالت: الله يفتحها بوجهك وليدي.

-ناصرية فتح شركة بيبسي كتب على البطل: رج القنينة جيداً قبل الاستعمال.

-واحد من الناصرية إشتغل مدير دار الأيتام.. گاللهم راح أسوي إجتماع مجلس الآباء.

-حرامي من الناصرية طب لبيت يبوك مالگه شي.. خابر رقم بأمريكا وخله السماعة مرفوعة للصبح.

-واحد ناصرية ببرنامج طلبات الأغاني گال: وأهديها الى صديقي بمناسبة وفاة والدته.

-ناصرية شاف واحد يحترك.. إنتظر شويه وراح طفاه.. گال: حته يعيش مشوه.

-واحد من الناصرية طب للجنة قفل الباب وراه.

-ناصرية أفرار عايش بغير مدينة تبرع لجيرانه بدم... اليوم الثاني گام ذاك بلغ عليه.

-فقير جوعان گال لواحد ناصرية: أنطيني أي شي آكله جزاك الله خير.. گام إنطاه فاتح شهية.

-ناصرية لگه حرامية يتقاسمون گال انطوني حصة وما أبلغ عنكم هالإسبوع.

-واحد ناصرية سكن بالنجف، يوميه ياخذ المسجل مالته ويروح للمگبرة يفتر بين الگبور إمعلي صوت المسجل على أغنية (الحياة حلوة).

-واحد ناصرية أتصل بيه جورج قرداحي، گلله: معنا صديقك وصل نصف مليون ريال ومحتاج مساعدتك، گال: گلله نايم.

-واحد ناصرية لگفله رقم موبايل مال جني.. گام كل شويه يدزله مسج (بسم الله الرحمن الرحيم).

-واحد ناصرية جبروه يتبرع بربع راتبه لدعم الانتفاضة، گام تبرع بالباقي لأسرائيل.

-واحد ناصرية يرجم الشيطان وهو متلثم سألوه الناس ليش؟ گاللهم: يمكن أحتاجه فد يوم.

-صرصر من الناصرية عزم جماعته عالعشة يمّه.. أول ما إجوا.. سحب السيفون عليهم.

-كردي اشتره مرسيدس وحطها گبال بيت مسكون، گلوله ليش؟ گال حته تصير شبح.

-كردي دخل دورة اسعافات أولية، رادوا يختبروه گلوله إذا بلع ابنك مفتاح شتسوي؟ گال أطفر من الشباك.

-كردي شغلوه بالمخابرات ودزوه للنجف، گلوله ارصدلنه تحركات جماعة الصدر، راح للگراج وره شوية خابرهم گلهم تره دفعوا كروه گبل الگاعدين وره.

-كردي طلع گول علي فريقه، گلوله ليش؟ گال أقربلي.

-عشرة أكراد خطفوا طيارة فارغة واتصلوا بالحكومة: إذا ماتنفذون مطالبنا تره كل ساعة نقتل واحد مننا.

-كردي صار شيعي گالوله: لازم تصلي عالتربة.. گال: اللهم صلي عليها وسلم.

-كردي جاي يسوق دعم اللي گدامه.. نزل ذاك گلله: شنو.. چنك ما شايفني؟ گال: والله شايفك.. بس ما أتذكر وين.

-كردي مستعجل حيل أجر تكسيين.

-كردي رادوا يعذبوه انطوه ورقة مكتوب عليهه من الوجهين (إقلب الصفحة).

-كردي خابر مطعم گال: عدكم عشه گالوا: إي گال: ليش ما عزمتوني؟.

-كردي خطب بنية.. گله أبوهه: مو البنية هسه جاي تدرس.. گال: زين أروح فد ساعة وأرجع.

-كردي احترك محله، گالوله: خو ماخسرت هواية؟ گال: لا.. الحمد لله چنت مسوي تنزيلات.

-كردي جاي يسوق سيارة دخل بيها ببطن عرس وطگله چم واحد، من سأله القاضي عن السبب، گله: شفت گدامي رجالين وعرس وين أدخل؟ گله: بالرجالين، گله: دخلت بيهم دست واحد والثاني طب بالعرس، فطبيت وراه.

-كردي گل لأبنه: ولك مو گتلك گعدني بالستة ليش ما گعدتني؟ گله: جيت أگعدك بس شفتك نايم.

-كردية قرت بجواز سفر رجلهه مكتوب المهنة: رجل أعمال، گالت: سواها النذل وتزوج عليه.

-كردي شاف لافتة مكتوب عليها ممنوع الوقوف، ذب روحه بالگاع.

-٣ أكراد راحوا سفرة رجعوا ثنين وخلوا واحد ذكرى.

-كردي يمشي بالمطر وشايل شمسية مزروفة، گللوله ليش؟ گال: حته أدري يمته توگف المطرة.

-كردي شاف بالشارع گشر موز گال: أهو... هم راح نزلگ.

-كردي سد بيبان بيتهم كلهه، گلتله أمه ليش؟ گللهه: مو المعلم گال الامتحانات عالأبواب وآنه ما اريدهه تدخل.

-كردي شاف واحد غرگان ويصيح: يا ناس يا عالم ما أعرف أسبح.. گلله: عبالك بالصياح تگدر تتعلم سباحة؟ لا بابا لا.

-كردي اشتره حذاء، فگلله أبو المحل: تره أول ٣ أيام راح يزعجك بالمشي.. گام لبسه رابع يوم.

-كردي دعم ٢ بسيارته واحد مات والثاني متكسر.. گام المتكسر يصيح.. گلله الكردي: شبيك تصيّح أشو هذاك مات وكلشي ما گال؟.

-أكراد ثنين مساجين خططوا يقتلون الحارس ويهربون راحوا شافوا الحارس ماموجود رجعوا گالوا: خربت الخطة.

-كردي يصبغ السگف بالبوية گالتله أمه: يمه خلي جريدة جوه رجليك.. گال: لا ماما ميحتاج.. أنوش.

-كردي گالوله: الحگ مرتك بالبستان ويه صديقك.. راح ركض ورجع وره شويه گال: مناعيل الأهل هنّه شجرتين.. سووهن بستان.. وچماله الولد طلع لا صديقي ولا أعرفه.

-كردي طلّع الصوبة برّه البيت.. گالوله ليش؟ گال: مو برّه أبرد من جوّه.

-كردية گالولهه: الموضة هالسنة جلد طبيعي.. طلعت للسوك مصلخة.

-كردي شاف واحد ويه مرته جر المسدس عليه، ذاك گال: لك كاكا هذي الكاميرا الخفية، الكردي گال: خره بعراضكم ماكو غيري؟ هاي خامس مرة تنكتون بيّه.

-كردي صيدلي إجاه واحد گلله: عندك دوه للصراصير؟ گال: خير شبيهن؟

-كردي گال لمرته: اليوم تخرجت من الكلية.. گالتله: لايحسدوك عله ذكاءك دُك الخشب، گام دك عالقنفة، گالت: منو؟ گالهه: گعدي إنتي آني أفتح.

-كردي سأل صاحبه: اليوم سبت لو أحد؟ گال: الإثنين.. گال: سبحان الله.. چفتة وحده!.

-كردي يسأل نفسه: منو الأطول.. الزرافة لو النمر أسرع؟

-كردي لازمله ثلجاية ويگول: والله أموت وأعرف منين مزروفة؟

-كردي وده إبنه لمدرسة المتميزين، گللهم: جبتله لعبة مكتوب عليهه ٣ إلى ٩ سنوات بس هوه ماشاء الله حلهه بسبع تشهر.

-كردي مات أبوه گال للدفان: بيش أرخص گبر؟ گلله: بالميت تسعين ألف.. گلله: زين وإذا الميت من عدنه؟

-كردي دخل للحمام شاف الماي حار انطاه أسبرين.

-كردي سأل صاحبه: هيه مصر بعيدة؟ گلله: ما أعتقد، لأن المصري اللي بصف محلي يوميه يجي عالبايسكل.

-كردي عالبحر مغمض ويغني، گالوله: الظاهر إنته منسجم؟ گال: لا.. من كلار.

-كردي فتح محل ثلج، ماعرف شنو يسميه كتب محل المياه اليابسة، وراهه كتب إعلان على باب محله: يوجد لدينا ثلج بارد جدا، بعد فترة من نجاح الاعلان كتب: ملاحظة: المحل يفتح ليلاً ونهاراً... فقط.

-كردي سكن بالرمادي گلله جاره: عود فنجان الگهوة مالتك يمي، گال الكردي: أي والله يمكن واحد من الجهال شمره عليكم.

-كردي راح ضيف يم شيخ الدليم.. صاح الشيخ : جيبوله دليمية.. الكردي گال: أي والله صار مدة ما متونس.

-دليمي سمع المذيعة تگول: سوف أستعرض لحضراتكم، گال: طفوا التلفزيون راح تنزع هدومها.

-دليمي تزوج صينية ظل يوزع بيهه چاي.

-دليمي سأل خطيبته: أكو أحد گبلي لازم إيدينچ؟ هيه سكتت، گلهه: شنو زعلتي؟ گالت لا بس جاي أحسبهم.

-دليمي عزموه على سمچ گلوله ديربالك تره بيه شوك، گال لا.. لابس نعال.

-دليمي شاف لافتة مكتوب عليها مزرعة أبقار، سأل صاحب المزرعة: شلون تزرع أبقار؟ ذاك اخذه على گد عقله وگله رش شكر ويطلع بقر راح الدليمي لمزرعته ورش شكر، يوم ثاني شاف النمل ملتمين، گال شحلات البقر وهمه صغار.

-دليم ثنين جاي يلعبون شطرنج كلما يموت جندي ينصبوله فاتحة ٣ أيام.

-دليمي گله الدكتور يوميه امشي ١٠ كيلومترات، وره شهرين خابره گله دكتور هسه آني بعرعر أرجع لو أطلع گبل؟.

-دليمي راد يقلد كاظم الساهر نزل كاسيت رائحة القدمين.

-دليمي سألوه: أمك حية؟ گال لا عگربة، گلوله لا يعني هيه عايشة؟ گال لا حفصة، گلوله قصدنه عدلة؟ گال لعد قابل عوجة.

-دليمي گلوله ابنك اجته طلقة تايهة، گال: أصيل، أكيد راح يدليهه.

-دليمي رايح للحج وماخذ وياه دودة گال: سمعت إنه الحج أيام معدودة.

-وحدة گالت لواحد: بوسني.. گاللهه: لا، دليمي.

-واحد تعارك ويه دليمي، گام يفشر: روح شوف أمك بيا حضن؟ هذا همينه أخُذ المسدس وراح لأمه.. لگاها بحضن أبوه.. گلله: مع الأسف.. توقعتهه من كل الناس.. إلا منك.

-دليمي كل مرة يطبگ باب الثلاجه على كيف.. گالوله ليش؟ گال: أريد أعرف منو يطفي الضوه جوه؟

-دليمي عنده أرق ما يگدر ينام گالوله احسب للمية تنام.. وصل للخمسين نعّس.. گال: أگوم اغسل وجهي وأكمّل للميّة.

-دليمي وگف تكسي گالله: فارغ؟ گال: نعم گال: ما تنزل نسولف شويه نگضي وكت.

-دليمي تعين بالأمن السري مال الكعبة شاف واحد يطوف گالله: شعندك ولك تفتر هنا.

-دليمي قره بالجريدة إنه بالصين كل دقيقة ينولد طفل.. گال: هذا التطور، خو مو مثلنه كل ٩ أشهر.

-دليمي مخيم بالصحراء، دخل عليه واحد گلله: آني تعبان من الشمس.. گلله: تشرفنا، وآني حمادي من الأرض.

-شاب دليمي، كامش بيده سيم وواگف براس الدربونة.. گالوله: ليش؟ گال: حته البنات تگول عني: شوفوا هذا شاب وسيم.

-دليمي دخل شركة سأل وين المدير گالوا: المدير العام؟ گال لا، هاي السنة.

-دليمي اشتره درام ماي وكتب عليه (جاسم للشرب) گللوله ليش؟ گال: مو ابن عمي صالح هم اشتره واحد وكتب عليه (صالح للشرب).

-دليمي گل للفلاح: روح اسگي الحديقة، گله الفلاح: مو الدنية جاي تمطر، گله: هاذ مو عذر اخذلك شمسية وروح.

-دليمي راح للطبيب وگله: من تزوجت اتفقت ويه زوجتي أن نشترك بكلشي، إذا ضحكت أضحك وإذا بچت أبچي، گله الطبيب: إي وشنو المشكلة؟ گله: مو مرتي جابت.

-دليمي گل لأمه: حلمت گزازة جرحت رجلي، گلتله: خوش مرة ثانية البس حذائك من تنام.

-دليمي گل لصاحبه: انته ليش أصلع گله: من الزمن، گله: لعد لا تزين عنده.

-دليمي يسوق سيارة ويه صاحبه.. گله صاحبه: لوف يمنه گله: لوف انته آنه جاي اسوق.

-دليمي گلوله: احلف، راح كتل أبوه ورجع گال: وروح أبويه.

-دليمي أول مرة يركب سيارة.. اشتره فراري.. فتح الراديو، گالت المذيعة: هنا لندن.. گال: أيباه.. يلعن أبو السرعة.

-ثنين دليم يلعبون شطرنج.. الأول گال: هييييه.. كتلتك الحصان.. الثاني طلع شويه ورجع گال: وآني سممتلك الهوايش كلهن.

-دليمي راح يحج شاف الناس تشمر حجار گال: أيّباه.. لهنا وصلت إسرائيل؟.

-دليمي كمشله مصري يريد يكتله.. گال المصري: سبني ياوله، گال الدليمي: والله لانعل أبوك لابو الخلفك.

-دليمي واهسه بالتجارة سمع صديقه يگول: الخميس يوافق ١٥.. گال: واذا ضغطنه عليه شويه ما يسويهه أقل؟

-دليمي اشتره تكسي.. بالشارع يصيحون عليه تكسي تكسي.. گاللهم: عمي أدري والله أدري.

-دليمي يسوق تكسي ركبوا ثنين رايحين لملعب الشرطة گالوله‎ ‎:‎إذا ممكن نادي الشرطه الله يخليك.. گا‎ ‎: ليش ماتحلّوهه بيناتكم اخوان.

-دليمي اشتره مراية وباوع لروحه بيهه گال: يا سبحان الله هالوجه مو غريب عليه، وين شايفه؟.. بعدين گال: تذكرت يم الحلاق، صاحبه گال: أشو.. أخذ المراية وباوع بيهه گال: لك غبي هذا آني.

-دليمي گال لأبوه: بويه أريد كيري گال أبوه: والله ما تاخذ غير بت عمك.. گال: بويه كيري جبنة.. گال أبوه: وبت عمك گيمر.

-دليمي خابر مكتب الخطوط الجوية.. گاللهم: بالله شگد تستغرق الرحلة للهند؟ گاله الموظف: لحظة.. سد الخط وگال لصاحبه: لا مو بعيدة كلش.

-دليمي يگول: أحسن خمس أشياء بالدنية تلاثة.. الچاي والگهوة.

-دليمي گل لصاحبه: سمعت بهذا اللي وگع من عمارة عاليه و ٣ أيام يالله وصل للگاع؟ گلله: ومات؟ گلله: شوف هذا الغبي يگللي مات.. أگلله ٣ أيام لا أكل ولا شرب لعد شلون مايموت؟

-دليمي گل لصاحبه: أتمنه أصير أول واحد يصعد للشمس گله صاحبه: مو خاف تحترك گاله: لا، أصعد بالليل.

-محشش گالوله إثبت أن الحمار يساوي الأرنب گال الحمار هو دونكي بالانگليزي نشيل دون تبقه كي وكي يعني مفتاح بالانگليزي نحطهه بمثل الصبر مفتاح الفرج نشيل مفتاح الفرج تضل الصبر نحطهه بحكمة الصبر جميل نشيل الصبر تبقه جميل أكو ممثل أسمه جميل راتب نگلب الحرفين الأخيرين مال راتب تصير رابت ورابت يعني أرنب بالانگليزي وهو المطلوب.

-محشش يسولف لصاحبته: مرة صعدت نخلة أريد أگطع عنب، نزلت كل تفاحة شكبرها، شلون رمان كل رگية طولها متر تستاهل حلگچ.

-وحدة حلمت ان محشش يلحگها گالتله: ليش تلحگني گال شمدريني انتي جاي تحلمين.

-محشش راح يخطب بنيه، أبوهه سأله: إنته تدخن؟ گلله: لا، بس مرات من أسكر ويه البنات بگعدات القمار أجرلي چم جگارة حشيشة.

-محشش سأل صاحبه: الساعة بيش؟ گلله مدري گال: غريبة آنه عندي مدري إلا ربع.

-محشش راح يعزي سأله واحد: انته عزيت؟ گله: لا عالديزل.

-واحد محشش اتصل عله ناس گال: هذا بيت سعد؟ گالوا: لا.. گال: لعد ليش تردون؟.

-حشاش ضرب صديقه راشدي، گلله: لك هذا صدك لو شقه؟ گال: لا، صدك.. گال: إي عبالي.. لإن آني ما أتحمل شقه.

-شيخ جامع دخل عله جماعة يحششون.. گاللهم: حرام عليكم.. گالوله: وعليكم الحرام ورحمة الله شيخنا.

-حشاش عطس.. صاحبه گح.. گلله: ليش تغير الموضوع؟

-شيخ جامع محشش وجعه راسه.. أخذ حباية أسبرين وما لگه ماي.. تيمم.

-أحول يتحارش بوحده حوله گللهه: اللي عاليمنه أحلى وحدة ردت عليه: أما صدك إنتو جوگة مال أدبسزية.

-دكتور مال حولان، همينه أحول.. إجاه مراجع گلله: دخلوا واحد واحد مو ثنينكم سوه... گلله: ماجاي إلك جاي للطبيب اليمّك.

-ديچ تحارش بدجاجة، ردت عليه بخشونة، گللهه: وعله شنو إمتنگة؟ ذنيچ الدجاجات مصلخات بالمطاعم ومحد بحالهن.

-ديچ چان يفقس البيض، فقس بيضة ما طلع بيهه فرخ، گال: هاي يا بت الكلب مركبة لولب.

-كتكوت جاي يرگص بالشارع شافه ديچ گله: ولك ماعندك أهل يربونك گال: لا، آنه تفقيس مكاين.

-خروف سأل خروف: صار عيدين وما ذبحوك ليش؟ گال: مو آنه مسجل بشهادة الميلاد حمار.

-صخلة شافت طلي يبچي گللتله ليش تبچي؟ گلهه: راح يذبحوني، گللتله: بعيد الشر.. گال: لا، بعيد الأضحى.

-چلب دايح بالشوارع شاف چلب بوليسي بباب مركز الشرطة.. كال أيباه.. بالله لو مخليني أهلي أكمل دراسة؟

-كنغر سأل مرته: وين الولد؟ گالتله هذا بجيبي.. گالهه لا والله جديات.. مو وكت شقه، وينه؟

-صرصر إنتحاري... فجر نفسه بمعمل الـ(بف باف).

-صرصر مرته زعلت وراحت يم أهلهه.. راح يصالحه گالتله: ما أرجع إلا تسجل البلوعة بإسمي.

-أم أربعه وأربعين تزوجت أبو أربعه وأربعين.. گضوا ليلة العرس كلهه بس نزع قنادر.

-أكو فد گمل وگملاية ستوهم متزوجين گاللهه: وين تحبين تگضين شهر العسل؟ گالتله: يمدحون بشعر هيفاء وهبي.

-عجمي عطس يم مصري، ترس وجهه تفال، المصري گلله: انته أرفتني، العجمي رد: والله يمكن أأرفك بس ناسيك؟

-واحد مصادقله مصري.. گلله: تدري الحياة كلهه مآسي؟ المصري گلله: ليه؟.. هوه انته بتلبس كام؟

-مصري اشتغل بالسعودية راعي غنم.. رجع لمصر سألوه أهله: كنت بتشتغل إيه.. گال: بافسح المعيز.

-مصري شاف هلال العيد إنطوه مكافأة.. وره شوية گللهم: أهو التاني أهوه.

-مصري اشتغل حملة دار.. گال للحجاج: إزا شديتوا حيلكو معايه نرگع أبل العيد بإزن الله.

-مصرية تعاركت ويه بدوية گلتلهه: غوري، گتك نيلة، البدوية گالت: آنه غوري يا دلة الگهوة.

-مصري مطبب راسه بالبطل گلوله هاي شجاي تسوي؟ گال رأبتي سدادة.

-سوداني راح يشتري جگاير، گال لأبو المحل: كنت أبيض.. گلله أبو المحل: لو تحلفلي بمية يمين هم ما اصدگك.

-سوداني عنده بواسير الدكتور ما گدر يندل وين الفتحة.. گام رش عليه طحين وگلله: اضرط إبني.

-لبناني تعرف على وحدة صينية گاللها: شو إسمك؟ گالت: مي شان شو.. گال: ميشان نتعرف.

-ثنين سكارى واحد منهم عثر گال: بسم الله.. الثاني گلله شلون تگول هيچي؟ إحنه مو كفار؟ گلله: إي صدك.. لعد أستغفر الله.

-سكران عثر ووگع، گالوله جماعته: همزين إجت سلامات.. گال: شجابهه بهالليل يم السكارة؟

-عجوزي راح للحلاق وگعد على الكرسي منزّل راسه.. گله الحلاق: شعر لو لحية؟ گال: لا، لحية.. گلله: طيب شيل راسك شويه.. گال: لعد سويهه شعر.

-عجوزي يريد يصبغ حايط صبغ نصه وحط ٣ نقط وكتب (الخ).

-عجوزي أمه جاي تگعده من النوم گالتله: گوم الشمس طلعت، گلهه: زين دخليهه وسدي الباب.

-أكو ثنين ركبوا سيارة، واحد ساق والثاني جذور.

-أكو واحد يريد يبني مستقبله، لگه الطابوق مفلش.

-أكو واحد راح لراس الشارع شافه أصلع.

-أكو واحد بال صار سيگام.

-أكو واحد صعد يخطب نزل متزوج.

-أكو واحد انكسر حوضه ركبوله مغسلة.

-واحد رجع من السفر استقبله ابنه الزغير بالمطار، فسأله أبوه: شصار ما صار بغيابي؟ گله: كلشي ما صار، كلشي تمام... بس... گله أبوه: بس شنو؟ گله: لا.. العودة مال المكناسة انكسرت، گله أبوه: لا بسيطة.. بس شلون انكسرت؟ گال: البقرة مالتنه چانت شاردة وطاحت عليها وانكسرت، گال أبوه: والبقرة شصار بيهه؟ گله: ماتت، صاح أبوه: شنو.. ماتت.. وليش چانت شاردة؟ گله: بيتنه احترك وهيه شردت من الحريگة، گال أبوه: البيت احترك.. شلون احترك؟ گله: أخوي الچبير چان يدخن وطاحت منه الجگارة واحترك البيت، گال أبوه: ومن يمته أخوك يدخن؟ گله: ظل يدخن حته ينسه حزنه، گال أبوه: يا حزن؟ گله: حزنه عله أمي، گال أبوه: ليش شبيهه أمك؟ گال: ماتت، گال أبوه: ليش ماتت؟ گله: من قهرها، گال أبوه: قهرها عليمن؟ گال: على أخوي الزغير، گال أبوه: ليش شبيه أخوك؟ گله: دخل للسجن، گال أبوه: وليش دخل للسجن؟ گله: قتل واحد، گال أبوه: ليش قتله؟ گله: چان يطلبه فلوس وذاك ما انطاه، گال أبوه: فلوس مال شنو؟ گله: مو بعناله البستان وما انطانه فلوس.

-واحد سافر ويه أهله وره الامتحانات وگل لصاحبه: شوف.. إذا طلعت النتيجة خابرني.. إذا آنه طايح بالرياضيات گول يسلم عليك رياض وإذا آنه طايح بالتاريخ گول يسلم عليك خالد وهچيه كل ماده بأسم.. يوم طلعت النتيجه خابره‎‏ صاحبه‎‏ وگله: ترا الشباب كلهم يسلمون عليك.

-وهابي فتح التلفزيون شاف وردة الجزائرية تگول: بتونس بيك، گال: في جهنم، گالت: وانته معايه.

-وحده گلت لواحد: شونك حجي؟ گلهه آنه ما رايح للج رايح للعمرة گليلي شونك عمري.

-وحده سمعت صوت بالليل گعدت رجلهه گلتله: گوم يمكن حرامي، گللهه: ما تگومين انتي يجوز حرامية.

-واحد سمع المعلق يگول: فاول.. فاول لصالح رونالدو.. گال شنو أسلَمْ؟ صاحبه گلله: لا، يمكن هذا إبنه من المصرية.

-واحد متدين صاحبته گللتله: أهلي ما هُمّه بالبيت، تعال يمي.. گاللهه: إذا خايفة أقري المعوذتين.

-أبو معرض سيارات سألوه: منو أفضل المطربين بنظرك؟ گال: مايكل داتسون و مازدا الرومي.

-واحد سأل صاحبه: شنو أخبار الوالد بعدين تذكر أن والده ميت فكمل بسرعة: بعده بنفس المگبرة؟

-واحد صادقله مخلوق فضائي، گلله: صدك الدقيقة عدكم بمليون سنه عدنه؟ گلله: أي، گلله: زين وصدك الدينار عدكم بمليون عدنه؟ گلله: هم أي.. گلله: زين ما تنطيني فد دينار.. گلله: انتظر فد دقيقة!.

-واحد دزته أمه على أوتي من جيرانهم.. نزل أول درجة گال: هسه راح تگللي دير بالك عليه.. ثاني درجة گال: بعدين راح تگللي رجعه بسرعه... الثالثة گال: وراهه راح تگللي مو تنسوه مفتوح.. وصل دك الباب، فتحتهه.. گلهه: شوفي.. خرة بيچ وبالأوتي مالتچ.

-توأم شاف أخوه، گلله: وينك يمعود؟ مو أهلي طهروني مرتين.

-واحد ترك الصلاة أيام الإمتحانات گللوله ليش؟ گال: أريد أعتمد عله نفسي.

-واحد گعدته أمه لصلاة الجمعة گلهه: ما أروح للجامع اليوم راح ينقلوهه مباشر.

-بدويه إستوها متعينة.. گالت لأمها: يمه آنه عندي دورة شهرين.. گلتلهه أمها: هذي مو دورة يا يمه هذا نزيف.

-طفل گال لمعلمته: تدرين ست شگد آني أحبچ.. وبلكي أتزوجچ؟ فالمعلمة گالت: أي بس آني ما أحب الجهال.. رد عليها الطفل: مو مشكلة ست.. ما راح نجيب جهال.

-شيخ جامع خله مجيب آلي مال تلفون.. كل اللي يخابر يگلله: الشيخ غير موجود اترك رسالة بعد سماعك سورة البقرة.

-گصاب مات... شيعوه الچلاب.

-وحده تگل لزوجهه: جيراننه كل ما يطلع يبوس مرته، ليش ما تسوي مثله؟ گللهه: تعتقديهه توافق؟

-واحد صعد بتكسي، گال للسايق: نادي الشباب من رخصتك گلله: متناديهم انته ليش آني أشتغل عد الخلفوك؟.

-واحد تعارك ويه مرته ذبهه من الشباك وگعت بالشارع شافهه فد سكران گام باسهه هيه هم باسته ،السكران صفن گال: عجيب، بعدهه تشتغل ليش ذابيهه؟.

-واحد أبوه دجال، سأله المعلم: شنو أدوات النصب؟ جاوبه: لحية وسبحه ١٠١ استاذ.

-وحدة إبنهه ضاع منهه بالسوق گامت تبچي.. گالولهه: إبن الحلال ما يضيع.. گالت: ياويلي! راح الولد.

-صعيدي دخل للسينما شاف لافتة مكتوب عليها ممنوع أقل من ١٨ راح جاب ١٧ صعيدي.

-المعلم سأل الطالب: شنو صار بعام ١٩١١؟ گله: ولد نجيب محفوظ، گله وشنو صار عام ١٩١٥؟ گله: صار عمره أربع سنوات.

-مدرس گل للطلاب: يعيش السمك في الماء، گالوا: يعيش.. يعيش.. يعيش.

-المعلم گل للطالب: وقفت السيارة في مكان ممنوع، اعربلي السيارة، گال الطالب: السيارة فاعل مرفوع بالكرين.

-بعد الأمتحان المدرس گل للطالب: شونك بالامتحان، گله: الأسئلة كلش سهلة بس الأجوبة صعبة.

-عجايز ثلاثه رادن يتزوجن كتبن إعلان (تزوج واحدة وأحصل على إثنتين مجانا)

-بدوى أول مرة يشوف صيني گال: هنياله شبعان نوم.

-نجفي دفان من خلصت الحرب ضاج بعد ماكو موته، فتح محل فواكه وكتب عليه الموز حق.

-واحد باك بطة من جيرانه.. ثاني يوم الصبح شافه جيرانه.. گلله: صباح الخير.. گلله يا بطة؟.

-فد ولد واهسه بالبلاي ستيشن، فلمّا مات أبوه كتب على گبره Game Over.
-عجوز گالت لواحد: شنو رأيك بجسمي؟. گللهه: زين.. بس ينرادله شويه كوي.

-واحد يشتغل بالستلايتات طلع ابنه من الأوائل گال: لا.. مع الأسف راح يشفروه.

-محجبة لابسه گصير.. گالولها: ليش؟ گالت: حته أرضي الله وعباده.

-وحدة رجلهه بالخارج خابرته گللتله: إشتريت سيارة شبح گلهه: بشرفچ؟ گللتله: لعد بالورقة اللي تدزلياها كل تلث تشهر.

-واحد گل للإمام: آني شفت فلم إباحي.. شلون أستغفر؟ گلله: كفارتك تتفرج على قناة السودان ٣ أشهر.

-ولد گل لأبوه: بابا.. اليوم اخذت عشرة, گلله ابوه: عفية وليدي.. رد الولد: بس من جزدانك يابه.

-واحد گاعد بالطيارة يم جيمس بوند بس ما يعرفه.. سأله شسمك؟ گلله: بوند... جيمس بوند.. وانته شسمك؟ گلله:هيم... إبراهيم.

-طبيب أطفال راح يخطب گالوله: چان كملت دراسة؟

-واحد گال لصاحبه: تكتم السر؟ گلله: سرك ببير.. گلله: زين تداينني چم فلس؟ گلله: شوف، ولا چني سمعت.